الأعلامية رضوى الشربينى تدافع عن شيرين عبد الوهاب
حرصت المذيعة رضوى الشربيني على التعليق على أزمة الفنانة شيرين عبد الوهاب الأخيرة في برنامج " هى وبس " الذي يعرض على قناة سي بي سي سفرا اليوم
رضوى الشربينى تعلق على ازمة شيرين
قالت رضوى الشربيني : " شيرين فى المكان اللى هى موجودة فية دلوقتى .. ربنا اللى عالم باللى بتمر بية .. احنا ملناش دعوة الست أختارت غلط او صح ، اهى أختارت وعاشت تجربه سيئة جدا واخدت النتيجة بتاعتها وهى اللى دفعت فاتورتها .. وأحنا كلنا عمالين نحكى فى المحكى .. ارجوكم لما تطلع بلاش تسمع كلام بايخ " .
أغنية لشيرين عبد الوهاب تغير حياة رضوى الشربيني
من جهتها ، أوضحت المذيعة رضوى الشربيني أن أغنية للفنانة شيرين عبد الوهاب غيرت حياتها ، حيث قالت : " اغنية شيرين كانت سبب فى تغيير حياتي واخدت قرار مصيري جدا جدا لمجرد اني سمعت الأغنية "
شقيق شيرين عبد الوهاب يتهمها بتعاطي المخدرات
يذكر أن السيد محمد عبد الوهاب ، شقيق المطربة شيرين عبد الوهاب ، أعلن عن تعاطي أخته للمخدرات مع زوجها السابق في لقاء هاتفي ببرنامج الحكاية مع عمرو أديب حيث قال : " شيرين كانت بتتعاطي مخدرات مع حسام حبيب فى شقه فى التجمع الخامس.. وانا روحت شقه التجمع عشان اخد شيرين للمستشفي تتعالج .. والنيابه بتحقق مع المستشفي اللى هى فيها دلوقتى "
وقالت والده المطربة شيرين عبد الوهاب فى نفس المداخله التلفزيونيه : " بعد حفل شيرين الاخير .. حسام حبيب جالها وقعدوا داخل الاستوديو لمده ٣ ايام يتعاطو المخدرات "
وتابعت قائلة : " بعد تعاطيها للمخدرات مع حسام حبيب أتخانقت خناقه كبيرة معايا انا وأختها وقامت طردتنا من البيت وكانت هتطرد بناتها كمان وهى تحت تأثير المخدرات .. قولتلها انتى أيه اللي بتعمليه دا .. قالتلى أنا شيرين عبد الوهاب وعارفه بعمل أيه كويس .. ويلا اطلعوا برا من بيتى كلكم " .
